< 東華慈善嘉年華 > 這個本地的嘉年華會, 地點在前啟德機場跑道。前住方法好方便, 可在九龍灣德幅廣場的小巴站, 搭 "86" 小巴便到。車程大約 10 mins , 而且班次都很密, 不用等很耐。
門票方面, 工作人員話現在有任玩門票, HK$220 就可以任玩任何機動遊戲 。而且次數不限, 其實真係幾抵。不過, 因為我有 free ticket, 所以就無 upgrade 啦。
環顧場內, 其實不算太大。建議可以先環繞全場後, 才慢慢選擇玩哪種遊戲先 。而我比較喜歡刺激的遊戲。所以.... 第一個最想玩的機動遊戲就是 < 陀飛輪 >。
陀飛輪: 玩後感, 360度不停轉, 真係好刺激....。
玩完陀飛輪後, 定一定神.... 再去玩第二個遊戲 < 超級搖滾 >
玩後感: 好玩, 真係搖到你傻 ^^
之後再繼續.... 下一個 < 派對 360 >
玩後感: 真係估唔到, 原來都好激 !!! 玩完真係有點腳較呀 。
玩完一輪機動遊戲後, 真係要抖一抖先。場內除了有刺激的機動遊戲外, 還有給小朋友玩的機動遊戲同一些攤位遊戲。
場內還有馬戲表演 <英國皇家絕技團> , 我地更係唔會錯過啦。
馬戲表演, 我都是第一次睇, 所以都幾興奮。是次的表演者, 都是來自不同的地方, 每次出場前, 司儀都會介紹他們是來自哪個國家的。整個馬戲表演大約1.5 小時。雖然不是每個表演都會令你睇到目瞪口呆, 但表演者的用心演出, 絕對是值得稱讚。
另外, 每次間場都會出來的小丑先生, 每次出現都令到我們捧腹大笑, 加上在場觀眾的配合, 實在令人睇得非常開心。
睇完馬戲表演後, 天亦已黑了。 但在黑夜下, 所有機動遊戲, 都配上閃爍的燈光。 同日間的感覺完全不同, 更有嘉年華會的感覺。
後記: 我終於挑戰到最想玩的 < 陀飛輪 > , 真係好刺激。 而其他幾個機動遊戲都好玩。 不過美中不足, 因為太激, 所以最後都放棄了..... 27層樓高的跳樓機 ....
如果, 大家有興去玩的話, 不妨去挑戰一下^^
