2017年 4月29日, 計劃了4個月的出走之旅, 終於要起行啦。
今次出走地方是越南中部 <峴港> 。好多朋友問我, 你一個女仔去越南唔驚咩? 其實我買機票時, 真的沒有想太多。考慮的是越南這個地方未去過, 好想去見識下。而當時剛好見到有promotion , 機票價位又是自己預算之內, 所以就促成了這次 8日7夜, 峴港之旅。
買左機票, 當然是要plan 呢8 日行程啦。我習慣會去書店買本旅遊書, 慢慢睇。但去到書店才發現, 有關越南的旅遊書選擇不多。所以很多資訊, 我都是在網上找到的。
所以, 我想在這裡同大家分享一下我在遊峴港o既小小經驗。
1. 越南簽證: 我是去到越南峴港, 做落地簽證的。http://www.cheapvietnamvisa.net/
其實都好方便, 只要在網上填好資料, 同埋俾 US$6 Agent fee。之後就會收到確認信。(我是即時收到確認信的)
大約1-2 天, 就會收到email 一封 visa approval letter。當中會有顯示個人姓名同passport no. 當然, 如果你唔想俾其人見到你o既資料。可以選擇 private visa letter, agent fee US$11。只要在選擇visa 類別時選就ok la。(不過些項我都是在回港後先知道, 不過自己就覺得 non-private 問題都不大 )
另外, 要準備一張 4x6 寸的証件相 & US$25。當抵達峴港機場, 在出境 counter 前, 會見到一個小小的窗口櫃位, 這就是做落地visa 的地方。只要交齊文件同US$25, 大約5 mins 就可以取到visa , 跟著就可以過海關出境啦。
2. 唱越南幣
因為越南唔收港幣, 所以最好先唱定美金, 去到機場再唱越南幣。
3. 買電話卡
出了機場閘口, 就會見到有電訊公司 counter, sim 卡大約 4美金。
由機場去峴港市中心很近, 可以搭的士。但一定睇錶收費。或者預先book 定車就最好。
這是我少少經驗分享。之後會再分享我這8天的行程。
更多玩樂分享:
Facebook 專頁 : [ Grace的玩樂遊記]
Instagram : [is_awonderful_life]
