台灣之旅..... 來到 Day 4, 就是去池上踩單車. 目的地是伯朗大道.... 尋找"金城武樹"
亦是台東之旅的第二個主要行程。
早上在民宿食完早餐後, 執搭好行理後, 就到火車站寄存行理啦. 因為, 今晚我要搭晚上10:30pm 通霄火車返回台中。
在台東火車站, 寄存行理後, 就買火車票出發去池上啦....
大概 45mins 車程, 便到達池上火車站。 一出火車站, 就會見到有好幾間食池上便當的飯店, 旁邊就是租單車的檔口。
來到池上，除左踩單車之外，就是要吃呢到最出名嘅池上便當啦！說真的.... 好味!!
p.s 池上米是台東特產, 所以到台東池上便當是必吃的。
吃飽後, 就可以在旁邊的租車檔, 租單車啦。他們都會告訴你單車路線, 連我呢個唔多識睇地圖o既人都去到, 所以無難度. 同埋當地人很好, 只要你肯問, 他們好樂意教你^^
我今次主要是去... 伯朗大道. 這裡比我的感覺就是 " 天空海闊" 點解個天可以咁大呢..... 真係好想大嗌..... 而且路的兩旁, 都是一遍遍的稻米田, 而家呢個時候是綠色, 但到了收成時, 就會變成一大遍金黃色的大地了....
一路向前進, 終於來到傳說中的伯朗大道啦，此路因為多年前伯朗咖啡在拍廣告而出名。更重要的是金城武……長榮航空個廣告，都係到取境。
之後, 再繼續踩.... 終點就是伯朗大道....
這個單車之旅, 可以好悠閒地踩著單車, 享受這麼美的大自然環境。真係好難得, 而且來這裡的人, 大家都好自律, 不會大聲嘈吵, 靜靜地享受著自己的單車之旅。真的充心希望, 這兒的寧靜, 不會被破壞。
終於........ 來到 Day 4 的最後一站啦！要坐10小時的通宵火車回台中，繼續餘下的兩天台灣之旅了。
要結束台東的旅程了。回想這三天台東之旅, 真的超開心. 因為這裡的人很單純, 生活很簡單. 可以很單純的享受每一天。
沒有留言:
張貼留言